吱吱喳喳

去海x整頭髮,慶爆! 邊有人咁做生意架! 以為大集團可靠d,點知一樣咁喇渣! 喇渣到無人有! 入到去話整佢地廣告賣果隻$200負離子+洗剪+造型. 我已經有晒心理準備接招,因為有過上次經驗(一陣再講),睇下佢地又點樣打算sell我做貴d果隻. 髮型師一坐埋黎,見佢望一望我頭髮後皺晒眉頭,就知我要開始扎行個馬喇. 果然! "拿!你d頭髮而家就響個尷尬位 (我頭髮到膊頭), 整負離子的話,中間就會好扁,個尾就會曉.你呢d要整游離子先得,負離子我地整唔到!" (咁即係我要整$600果隻先得?) "係." (咁但係我上次整過無問題喎,果時頭髮都係咁既長度!之後無曉喎.) "咁我要問下經理先." (如果你係都要局我整$600果隻既,咁我走喇.) 跟住就見佢地有4個人圍埋唔知講乜,中途又望過黎,果種感覺好難受,明明我係客人,但好似比4個人講緊壞話咁. 返到黎,佢話佢地真係整唔到,因為我頭髮短喎! 我: "咁我唔整喇. 你地下次應該響廣告寫清楚囉!" 跟住我問過4間唔同既salon,無一間話我既長度唔適合,佢地話長度根本無影響. 我後來搵到一間,而家終於整完喇,完全無曉既問題. 人地咪又係整到! 呢間野真係好cheap,$200可能佢地覺得係洩本生意喇,但又要印落個廣告牌引人入黎,到人地真係話要整勒,咪諗埋d 低裝到無人有既籍口焗人地轉貴package囉.   講番我上年第一次經歷,都係同一間: 當時個髮型師一聽到我要整$200果隻,即刻 1.狂踩我髮質差 2.恐嚇我,話如果我整$200既,佢唔擔保有咩後果. 哇,聽到呢句,我火到黎埋,我亦不咁示弱: "你咩意思呀?有咩後果呀?" 佢就話可能我既頭髮會變到一堆草咁黃兼個尾會燒焦!  "如果係咁差既,咁我覺得你地d野既質素好有問題喎, 咁你地就唔好賣廣告tum人入黎啦! 你整到我頭髮焦晒仲好呀,你睇下我會唔會告你!" 可能佢無諗過我唔驚,無比佢地大到,所以我果次係得呈既.   其實我見過有幾次,有長頭髮既客要整$200,佢地都死講爛講要個客轉package,d人一比佢地兇到,就即刻轉晒做貴既. 我會將呢件事向消委會投訴.

不知所謂的裝修公司(9/5/09) 裝修公司叫做新x紀裝x設計，地址位於火炭，工程總顧問叫xohnny。個人認為，呢間係一間無責任心，會影響業主同鄰居關係既裝修公司，請各位準備裝修既朋友留意。 呢間公司近來裝修緊我屋企樓上個單位，不過由於我地都準備遲D裝修，所以我都有留意，亦覺得應該同大家分享下個人對呢間裝修公司既感受，方便有心搵呢間裝修公司既朋友留意。 開工大概一個月，已經做成以下「意外」： 1. 整爛玻璃屋屋頂 裝修開工大概一星期，處於清拆階段。我媽咪當日在廚房洗緊碗，突然廚房窗口對出「崩」一聲，間玻璃屋塊玻璃掉落地。我媽咪立即搵管理處，個「工程總顧問」王先生落黎睇，話佢地D cf 無掉野落黎，可能震碎左塊玻璃即~ (震碎都係你要負責整番佢啦！唔通係我掉野上去整爛？) 佢話整番無問題，不過工程未完，我遲D先幫你整番啦，免得整爛其他幾塊玻璃要再整過~ (嘩~ 乜你準備整爛多幾塊玻璃添？) 之後佢用塊木板封左，等整強化玻璃。 過左兩日，我樓上隔離間屋唔好彩，有賊入屋，我地間玻璃屋有保安作用，當然催佢快D幫我地整返玻璃啦，佢話得。過兩日朝早我地忽然發現塊木板變返玻璃，原來佢整好無話我地聽。不過我原本塊玻璃係綠色，佢換左塊無色透明玻璃俾我地。唉~我地準備遲D裝修，算，我地唔同佢計。點知~ 2. 鑿穿水喉 – 第一次 打爛我地塊玻璃第二日，佢D cf 鑿穿水喉，好在無漏水落黎，只係要拴水制整番，影響尚算輕微~ 管理員叔叔忍唔住呻呢間裝修點做野架，日日都整d麻煩野出黎。 3. 鑿穿水喉 – 第二次 大概十日前，裝修開始左兩個幾星期，依然處於拆野階段（其實到今日，即開始裝修成個月都依然拆緊野）。半夜我媽咪發現客廁天花漏水，第二朝立即通知管理處，裝修cf 話佢會整。晏d我媽咪就出去買送，返到屋企發現個廚房浸晒水，水由天花湧落黎，浸晒廚櫃、爐頭、地板，當然又搵管理處啦~ 當時那位王生唔係樓上，管理處幫手call佢返黎。剛好有位相熟又係做裝修既鄰居李生係附近，佢上黎幫手睇下。 我媽咪同李生傾計等呢位王生出現，點知佢返到黎，一枝箭衝上去睇佢個單位，然後絲絲然帶埋兩個cf 落黎，跟住非常寸咁話「裝修既野係咁啦，（整爛野）成日都會有~ 」 李生插嘴「我都做裝修，又唔見我日日整爛野？成日都係咁，咪成日賠錢俾人？」 老實講，我已經未開聲話要佢賠償，你打爛我塊玻璃，換塊唔同色既，我都未出聲（佢而家話佢都知唔同色，只不過我地話要快所以換住呢塊先，遲d換過塊俾我地喎~），而家浸壞我個電爐，浸晒我套廚櫃（好在係去水喉，唔係屎喉），居然仲講埋「我係業主既朋友，都會係呢頭出入架」既說話，就算你係業主，我都有權告你啦~ 裝修造成既意外，我個人認為可以體諒，最令人不滿既係佢既態度問題。整爛人地D野，起碼應該認真道歉，佢無咁做，呢個係我認為最不滿既地方。佢好似已經整好廚房條喉，不過我地依然聽到滴水聲，李生話會幫我地同佢講，要佢整~ 今次真係要多謝李生既幫忙~

土x灣街市"沛x"海鮮店 (壞海鮮照賣) (10/5/09) 今日是母親節,想親手煮餐海鮮給老媽,於是到土瓜灣街市海鮮店買龍蝦。怎知竟然受無良海鮮店"沛x"(上電梯前面右手邊)以壞海鮮照賣而受騙。 本人買了2斤龍蝦共HK$480(雖然貴但心想只想老媽開心也是值得),買時不覺有詐,回家後清洗時才聞到有異味,煮後更發現原來那龍蝦都是壞的,味道非常惡心。這使整餐飯由美味變成臭味也使我們一家人非常氣憤,賣得貴也罷了,但現在竟然賣壞海鮮,如果真的吃下而病倒,那真是"立心害人"天理不容。希望各位買海鮮時請小心。

新蒲崗某1間診所…. 我因為餵人奶俾bb可能俾d奶水up住個乳頭…攪到出膿…咁我諗住睇e生la 我本身有諗過去之前睇皮膚個e生…但因為佢系男人…諗住廢事la~~ 轉左去恆生銀行果間睇…因為我婆婆日頭去左果間睇完…. 個女e生都冇乜野…佢都算快睇完我…話lee d正常ge…查下野,.食下藥冇事… 本身我見到佢140蚊…都覺得貴貴地…諗住睇得好都算…點g拎藥時…佢俾(抗生素,胃藥,止痛藥,消"嚴"再加藥膏(藥膏寫明系潤"fu")我…變左190….哇…果下好肉赤….不過諗…好得番都算la… 我婆婆睇到佢俾我d藥就話: 我今朝睇完(佢隻腳d關節位痛)佢又系俾你lee d藥我wo(除左藥膏之外) 我心諗….黎都冇機會好得番=.=大家睇ge系唔同…有咩可能又系食果d藥…. 查左3日藥膏…個乳頭d膿越黎越多…仲大達左… 即刻停用佢d藥膏…轉查我之前睇皮膚餘下果d藥膏..第2日即刻好番曬…. 我唔知系間野本身有問題定系咁arm果日個e生有問題….而家only覺得浪費左190蚊系間野到…好5抵

x燒傢俬…. 剛買了x燒傢俬$2600的訂造床… 結果如下： 1. 張床外表ok，但一打開床板，非常恐怖及令人非常反感! 2. 床板very dirty，d 木very晦，床板上寫滿數字，d邊撓起晒 3. drawer果邊個床箱沒有上油，黑色滿佈灰色的灰及一些不可能抹去的污漬。試問你點可以放心放衣物在drawer 中??? 4. 個床頭玻璃d鋁滿佈漬及銹漬。 5. 師傅的螺絲全部生銹。 6. 成個星期後仲有好大陣味。我其他new傢俱都不是這樣。 我只可以說，這一定不是陳列品，因為比似垃圾房執到的舊的垃圾床更垃圾。 大家真的小心!!! 我仲買了張好貴的床玉…

千祈唔好幫襯上水的合x行 這間係上水的合x行洗冷氣機非氣之唔掂呀!唔好幫襯佢，洗唔乾淨呀!仲有d 清潔藥水係度，整花人地的車，又唔係負責任呀!仲好大聲話幾百蚊我就賠，過一千就唔駛講呀!你話這間不負責任的舖頭點可以幫襯呀!